竊書不算偷書 Virgil Abloh

「有無抄人？」成為了 Louis Vuitton 男裝零一春夏系列嘅唯一話題，實情「有抄」定「無抄」，哈哈相信大家心裡有數。究竟一個 Copycat，係點樣走上世界第一奢侈品牌嘅藝術總監這個位置呢？

如果你走去問維吉爾·阿巴勞 ( Virgil Abloh ) 本人，十居其九佢一定係答你「我很努力！你也可以！」這些動人又勵志嘅答案，就如佢老友肯伊·威斯特 ( Kanye West ) 回應反擊今次被抄襲對象華倫登·雲·巴倫德 ( Walter Van Beirendonck ) 嘅批評所講：「你知道我們這些人要出人頭地是十分困難的嗎？」，強調自己的付出再加上語帶黑人 #BlackLiveMatter 嘅光環，實情就係一直利用自己在音樂領域上嘅成就、名聲黎污染時裝界。

盡管人類係十分善忘，但你可以 google 睇番維吉爾同肯伊出席零九年 Comme Des Garcons 巴黎時裝週嘅衣著打扮，再對比下而家佢地果副藝術家嘅嘴臉，同你講解咩係畢加索 ( Pablo Picasso ) 咩係非洲大陸藝術流派，講真「時尚神棍」之名佢地兩個真係當之無愧。

實質出人頭地難，要係出人頭地後承認自己錯誤更難，與其要為自己找「竊書不算偷書」這種孔乙已嘅藉口黎開脫，倒不如好像我們那位聽嘻哈音樂 ( Hip Hop ) 聽上腦嘅 1093 先生話齋，D 衫抄係運用緊黑人嘻哈音樂嘅採樣 ( Sampling ) 技術原理姐。

當然，維吉爾又未至於如華倫登所講毫無個人 Signature，但僅限於 Off-White 那些飛機場告示牌囉。